एमाले वडा अधिवेशन : धादिङ थांक्रेको सबै वडाको नेतृत्व सर्वसम्मत

धादिङ : धादिङको थांक्रे गाउँपालकामा नेकपा एमाले वडा अधिवेशन उत्साहजनक ढंगबाट सञ्चालन भई सबैवडामा सर्वसम्मत नेतृत्व चयन भएको छ ।

थांक्रे गाउँ संगठन कमिटीको आयोजनामा ११ वटै वडाको अधिबेशन संयुक्त रुपमा थांक्रे गाउँपालिकाको बालुवाफाँटमा सम्पन्न भएको हो । अधिबेशनलाई पार्टीका जिल्ला अध्यक्ष भूमीप्रसाद त्रिपाठीले सम्वोधन गर्नु भएको थियो ।

एमालेको आसन्न दशौँ राष्ट्रिय महाधिवेशनअन्तर्गत वडा अधिवेशन भएको छ भने कार्तिक ९ गते पालिका अधिवेशन हुँदै छ । महाधिवेशन मंसिर १० देखि १२ सम्म चितवनमै हुँदै छ ।