बारा : बारा क्षेत्र नं २ को प्रारम्भिक मत परिणाम अनुसार जसपाका उपेन्द्र यादवले २२४ मत प्राप्त गरेका छन् । जनमतका शिवचन्द्र कुशवाहले १७० मत प्राप्त गरेका छन् भने एमालेका पुरुषोत्तम पौडेलले १६६ मत प्राप्त गरेका छन् ।
हालसम्म ६७० मत गणना भइसक्दा रास्वपाका रमेश खरेलले भने ८० मत ल्याएका छन् । यस्तै प्रभु शाह नेतृत्वको आम जनता पार्टीका उम्मेदवार अरुणा ज्ञवालीले १२ मत प्राप्त गरेकी छन् ।
बारा २ को मतगणना सोमबार १२ बजेपछि सुरु गरिएको हो । तीन स्थानमा भएको उपनिर्वाचन अन्तर्गत चितवनमा भने अहिलेसम्म मतगणना सुरु भएको छैन । तनहुँमा भने रास्वपाका स्वर्णिम वाग्लेले फराकिलो मतान्तरले अग्रता कायम गरेका छन् ।
बारा क्षेत्र न २ मा आइतबार सम्पन्न मतदानमा ६५ प्रतिशत मत खसेको थियो । जहाँ ५८ हजार नौ सय ३४ पुरुष र ४६ हजार तीन सय १४ महिला गरी कूल एक लाख पाँच हजार दुई सय ४८ मतदाता छन् । यस उपनिर्वाचनमा विभिन्न राजनीतिक दल तथा स्वतन्त्र गरी ३४ जना उम्मेदवार चुनावी प्रतिस्पर्धामा छन् ।
