काठमाडौं : परराष्ट्र मन्त्रालयकी प्रवक्ता सेवा लम्सालले प्रधानमन्त्रीको आसन्न भारत भ्रमणको एजेण्डा तय हुन बाँकी रहेको बताएकी छन् ।
प्रधानमन्त्री शेरबहादुर देउवा १८ चैतमा तीन दिने भारत भ्रमणमा जाँदैछन् । उनले १९ गते भारतीय समकक्षी नरेन्द्र मोदीसँग भेटवार्ता गर्ने तय भएको छ ।
मंगलबार परराष्ट्र मन्त्रालयमा आयोजित पत्रकार सम्मेलनमा लम्सालले बताए अनुसार भ्रमणको टोलीका सदस्यहरु र एजेण्डा दुबै टुंगो लाग्न बाँकी छ । उनले भनिन्, ‘आवश्यक तयारी भइरहेको छ । तर एजेण्डा तय हुन बाँकी छ ।’
