केशु विरही
मोरङ : राज्यका नीति तथा नियमहरू व्यवसायीका हितमा नभएको बेलबारीको एक कार्यक्रममा बोल्ने अधिकांशले वक्ताले आरोप लगाएका छन् । बेलबारी उद्योग वाणिज्य सङ्घले आयोजना गरेको शुभकामना आदन प्रदान तथा चियापान कार्यक्रममा बोल्ने अधिकांश वक्ताले यस्तो गुनासो गरेका हुन् ।
आर्थिक मन्दीको बहानाबाजी गरेर बैंकहरूले हर्के साहुलेझै ब्याज असुलेको मोरङ व्यापार सङ्घका शाखा संयोजक भरत भट्टराईले आरोप लगाएका छन् । कार्यक्रममा बोल्दै आर्थिक मन्दिले खुम्चिएको व्यवसायलाई उठाउन मुख्य गरी दोहोरो कर प्रणाली र चर्को व्याज दर हट्नु पर्ने उनको भनाइ रहेको थियो ।
कार्यक्रमका प्रमुख अतिथि प्रदेश सांसद मानबहादुर लिम्बूले शुभकामना व्यक्त गर्दै देश निर्माणमा सबैको उत्तिकै भूमाका रहेको बताए । राज्यले सबैको योगदानलाई भुल्न नहुने बताए । राज्यले उनले रुग्न रहेका उद्योग तथा डुब्न लागेका व्यापारीका लागि काम नगरेको पनि आरोप लगाए । दोहोरो र तेहेरो करले जनतालाई ढाड सेक्ने का मगर्न नहुनेमा पनि उनको जोड थियो ।
बेलबारी नगरालिकाका प्रमुख प्रशासकीय अधिकृत तारानाथ लुइटेलले राज्य नयाँ संरचनाको पछिको अभ्यासमा रहेकाले केही समस्या देखिएको ती समस्यलाई निराकरण गर्दै जानु पर्ने बताए । उनले स्थानीयपालिकाले बजाएका ऐन तथा कानुन परिपक्व नभएको स्विकार गर्दै तिनलाई समयसापेक्ष बबनाउदै लगिने पनि प्रतिबद्धता जायर गरे ।
कार्यक्रममा प्रदेस सान्सद मानबहादुर लिम्बु, बेलबारी नगरपालिकाका उपप्रमुख नितु थापा, बेलबारी नगरपालिकाका प्रमुख प्रशासकीय अधिकृत तारानाथ लुइटेल, सङ्घका सल्लाहकार तिलक राई, बेलबारी नगरपालिका वडा नं ३ का अध्यक्ष वडाध्यक्ष योगेन्द्र सुवेदी, माओवादी केन्द्रका नगर अध्यक्ष पर्शुराम सुवेदी, उद्योग वाणिज्य सङ्घका पूर्वउपाध्यक्ष माधवराज थापा लगायतले शुभकामना मन्तव्य राखेका थिए ।
कार्यक्रमका वक्ताहरूले व्यवस्था परिवर्तन भए पनि सोचमा परिवर्तन हुन नसक्दा समस्या ज्युकात्युँ रहेको, स्थानीय सरकारले लाएका कर व्यवसाय मैत्री नभएको, दोहोरो कर प्रणाली र चर्को व्याज दरले गर्दा व्यावसायीहरू ठुलो मार्कामा रहेको बताएका थिए । दोहोरो कर प्रणली हट्नु पर्ने बताउँदै करको दरभन्दा पनि दायरा बढाउनु पर्नेमा वक्ताहरूको जोड थियो ।
कार्यक्रम सङ्घका वरिष्ठ उपाध्यक्ष सन्दिप राईले नयाँ समिति निर्वाचित पछिका गतिविधि सहित व्यवसायीको समस्याका बारेमा प्रष्ट पारेका थिए । कार्यक्रम सङ्घका महासचिव विवेक मिश्रको सञ्चालन तथा अशोक श्रेष्ठको सभापतित्वमा सम्पन्न भएको थियो ।
