दैलेख : दैलेख निर्वाचन क्षेत्र नं. १(ख)मा नेपाली कांग्रेसका कृष्णकुमार बिसी विजयी भएका छन्। सत्तारूढ गठबन्धनको सहयोगमा बिसीले १० हजार ५४४ मत प्राप्त गरी विजयी भएका हुन्।
बिसीका निकटतम प्रतिस्पर्धी नेकपा एमालेका प्रेम थापाले ९ हजार ४६८ मत लिएका छन्। बिसी नेपाली कांग्रेस पार्टीमा रहेर जिल्लामा प्रभावशाली नेताका रूपमा स्थापित भएका छन्। उनी पूर्व जिल्ला सभापति हुन्।
२०७४ को निर्वाचनमा प्रदेश सभा सदस्यमा पराजित भएका बिसी यसपटक १ हजार ७६ मतान्तरले विजयी भएका हुन्।
