१
मह काड, हात चाट पैसो पनि आउँछ
गुन्द्रि बुन, कुचो बाट पैसो पनि आउँछ
सित्तैमा मेरो कुरा काट्दै हिड्नु भन्दा
सैलुन खोल,कपाल काट पैसो पनि आउँछ
२
देख्नासाथै भड्काएर पाउने आस राख्छन्
बिच बाटोमै अडकाएर पाउने आस राख्छन्
मैले जागिर पडकाएरनी नपाएको उसको माया
कोही जिब्रो पडकाएर पाउने आस राख्छन्
३
घर न घाटको हुन म कसरी आऊँ ?
सबको सामु रुन म कसरी आऊँ?
जीवन दिन्छ्यौ ठानेकोथेँ सुपारी दियौ
तिम्रो गोडा धुन म कसरी आऊँ?
४
रूनै पर्दैन जुनि जुनि काम बनि हाल्छ।
तर्क गर हुनि नहुनि काम बनिहाल्छ।
सरकारी काममा ढिला सुस्ती भयो भने
पैसा फाल्देउ टेबलमुनि काम बनिहाल्छ।
५
साेझा जनता वहकाउन जसले पनि सक्छ
भाग्य विधाता फकाउन जसले पनि सक्छ
देश विकास गर्नलाई पाे दक्ष चाहिन्छ मन्त्री
देशको ढुकुटी सकाउन जसले पनि सक्छ
